Técnicas aplicadas nun laboratorio de análise instrumental

 

Descrición

A microcredencial Técnicas aplicadas nun laboratorio de análise instrumental ten como obxectivo ofrecer unha formación práctica e especializada nas técnicas fundamentais que se empregan habitualmente nun laboratorio de análise química instrumental. A proposta céntrase na preparación de mostras e no uso de técnicas analíticas baseadas na espectroscopía atómica, análise elemental e cromatografía, co fin de capacitar ao alumnado para traballar en contornos profesionais reais.

Esta formación busca ser:

• Académicamente sólida, ao estar baseada en contidos actualizados e impartida por profesionais con experiencia en laboratorios de análise química.
• Profesionalmente útil, ao centrarse no manexo de técnicas e instrumentos que se empregan en laboratorios de control de calidade, investigación e servizos analíticos.
• Persoalmente enriquecedora, ao mellorar a empregabilida de e as competencias técnicas da poboación adulta con formación científica.

Está dirixida a persoas interesadas en adquirir ou actualizar competencias prácticas en análise instrumental, cun enfoque aplicado e orientado ao mercado laboral.

 

 

 

Modalidade

 

Horario

Mércores do 25 de febreiro ao 8 de abril de 17.00 a 19.00h e 15 de abril de 17.00 a 20.00h

 

 

Prezos

Público en xeral	Alumni UVigo	Comunidade UVigo
188 €	169.2 €	159.8 €

Observacións aos prezos

Prezo final unha vez subvencionado: 56,40 euros (*)

*Este sería o prezo final para o público xeral que cumpra os requisitos para a subvención. Esta microcredencial enmárcase dentro do “Plan de desenvolvemento de microcredenciais universitarias” e contará cunha financiación do 70% para idades entre 25 e 64 anos. Subvención recibida da Xunta de Galicia segundo o convenio de colaboración asinado o pasado 2 de maio entre a Consellería de Educación, Ciencia, Universidades e Formación profesional e as universidades galegas. Fondos do Ministerio de Ciencia, Innovación e Universidades. Plan de Recuperación, Transformación e Resiliencia – Financiado pola Unión Europea – NextGenerationEU

As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.

 

Obxectivos

Proporcionar unha formación técnica e aplicada en preparación de mostras e análise instrumental(ICP-OES/MIP —plasma inducido por microondas—, CHNS, cromatografía iónica condutimétrica e amperométrica, e GC-MS) utilizadas en laboratorios químicos, capacitando o alumnado para operaros equipos, asegurar a trazabilidade dos datos e traballar con seguridade en contornos profesionais reais.

 

Destinatarios

Técnicos con experiencia en laboratorios de análise química.

Graduados en Química ou titulacións afíns.

 

Saídas Profesionais

Ao rematar a microcredencial, o alumnado será quen de planificar e executar un fluxo analítico completo con trazabilidade, seleccionar e xustificar a técnica instrumental máis axeitada segundo analito e matriz, e aplicar técnicas de preparación de mostras minimizando interferencias e contaminación. Coñecerá os fundamentos de química analítica xunto con criterios de validación e boas prácticas. Saberá operar os equipos seguindo protocolos de seguridade, realizar calibracións, interpretar os resultados e verificar a idoneidade do dato. Desenvolverá habilidades para diagnosticar e resolver problemas comúns, xestionar residuos e aplicar medidas de seguridade, así como manter o instrumental. Será competente no tratamento e na xestión dixital de datos (follas de cálculo/LIMS, rexistros e control de versións), na elaboración de informes técnicos claros e axustados ao destinatario, e na comunicación de resultados con terminoloxía científica. Integrará coñecementos teóricos e prácticos para abordar problemas nun laboratorio de análise instrumental, adaptando procedementos aos diferentes requisitos esixidos. En conxunto, adquirirá capacidades transferibles que melloran a súa empregabilidade e lle permiten achegar valor inmediato en contornos produtivos e de I+D.

 

Idioma

Castelán

 

Competencias Específicas

CE1 Seleccionar estratexias de preparación segundo matriz e analito, minimizando interferencias

CE2 Seleccionar e aplicar a técnica instrumental adecuada

CE3 Operar con los equipos de un laboratorio analítico

CE4 Documentar e comunicar os resultados analíticos

CE5 Integrar coñecementos teóricos e prácticos na resolución de problemas analíticos.

 

Competencias Transversais

CT1 Procesar información, ideas e conceptos

CT2 Planificar e organizar

CT3 Lidiar con problemas

CT4 Utilizar equipos, ferramentas ou tecnoloxía con precisión

CT5 Capacidades e competencias de autoxestión

 

Condicións de acceso

Documentación necesaria para o acceso:

Documento de identificación

Título universitario

Certificado de experiencia profesional ou equivalente

Curriculum Vitae

 

Materias

id	nome	caracter	créditos
200676	Técnicas aplicadas en un laboratorio de análisis instrumental	Obligatoria	2.0

 

Avaliación

Avaliación do curso seguirá un modelo continuo que integra a participación nas clases e a superación das diferentes probas.

Asistencia obrigatoria: As persoas participantes deberán asistir, como mínimo, ao 90% das clases, co fin de garantir o seguimento dos contidos.

Deberanse superar probas específicas deseñadas para avaliar a comprensión dos contidos teóricos e prácticos.

A obtención da certificación do curso require cumprir todos os requisitos anteriores. A segunda oportunidade terá lugar unha semana despois de rematar a formación. Probas tipo curto ao longo do curso (60%); Proba final (40%) o 15/04/2026.

 

Titulación

Título na microcredencial ” Técnicas aplicadas nun laboratorio de análise instrumental “